Visjon

Montessoripedagogikken sitt mål er å utvikla glede ved å læra, byggja opp sjølvstende og kreativitet. Me er opptekne av at barnet skal få utvikla sin indre motivasjon. 

Ølve Montessoriskule er ein privatskule med ein tydeleg profil. Me driv etter Maria Montessori sine prinsipp om individuell oppfølging av kvart enkelt barn, respekt, tillit og fridom innanfor faste rammer. Me ynskjer å byggja på den ibuande lærelysta ein finn hjå alle born, og stimulera til læring og personleg utvikling.

Montessoripedagogikken sitt mål er å utvikla glede ved å læra, byggja opp sjølvstende og kreativitet, og på skulen vår er me opptekne av at eleven skal få utvikla sin indre motivasjon. Lange arbeidsøkter, aldersblanda grupper, og god tilgong på materiell og fagbøker gjer borna god mogelegheit til å fordjupa seg i spanande tema.

Maria Montessori meinte at fred i verda startar med borna. Ølve Montessoriskule samarbeidar med skular andre stader, både i Noreg og verda.  Ved å få forståing for andre kulturar og religionar, vil borna utvikla respekt og toleranse for menneske, dyr og miljø. Me er ein nærmiljøskule, og nyttar oss av dei ressursane som fins i nærleiken, både enkeltpersonar, bedrifter og friluftsområda som er her. Skulen vår skal vera ein trygg stad å vera for alle born.